Almatyda 60 tonnadan astam amerıkandyq taýyq etin tıegen kontrabandalyq taýar tárkilendi
ALMATY. 30 jeltoqsan. QazAqparat /Ádilet Musahaev/ - Almaty qalasy Kedendik baqylaý departamentiniń kontrabandamen kúres basqarmasy jáne Áýezov aýdany AІІB qyzmetkerleri qalalyq sút zaýyty aýmaǵynda 60 tonnadan astam AQSh-tyń taýyq ónimin tárkilegen.
Kontrabandalyq taýarlar Qyrǵyz Respýblıkasynyń memlekettik nómiri bar úsh aýyr kólikke tıelgen. Kólikterdi tekserý barysynda betin kartoppen japqan amerıkandyq taýyq eti salynǵan jáshikter tabylǵan.
Aıta ketý kerek, resmı keden resimdeýine sáıkes, tońazytylǵan et mindetti túrde sanıtarlyq baqylaýdan ótedi, mundaı taýardyń qaýipsizdik dárejesi tasymaldaý men saqtaý úderisterimen qatty retteledi. Al myna jaǵdaıda gıgıena men et saqtaýdyń qarapaıym normalary tipti qoldanylmaǵan. Atalǵan derek boıynsha tergeý jumystary júrgizilýde.
