Almatyda 60 myń qaptama dári-dármekti qoldan jasaǵandar sottaldy

ALMATY. QazAqparat - Uıymdasqan qylmystyq toptyń qatysýshylary men uıymdastyrýshylary kúmándi dárilik preparattardyń 60 000-nan astam qaptamasyn daıyndaǵany úshin sottaldy, dep habarlaıdy QazAqparat.

QR Qarjy monıtorıngi agenttiginiń Almaty qalasy boıynsha ekonomıkalyq tergeý departamenti jalǵan dárilik preparattardy daıyndaý boıynsha iri astyrtyn tsehti uıymdastyrǵan uıymdasqan qylmystyq toptyń 3 múshesine qatysty sotqa deıingi tergeýdi aıaqtady.

Jedel sharalar nátıjesinde barlyǵy 60 000 astam qaptalǵan «Rototsef», «Solkaserıl», «Kaltsıı D3 nıkomed», «Tserakson» jáne basqa saýda ataýlarymen shyqqan kúmándi dárilik preparattar tárkilengen bolatyn.

Covid-19 pandemııasy kezeńinde bolǵan jedel-izdestirý sharalary barysynda Almaty qalasy boıynsha departament qyzmetkerleri dárilik preparattarǵa arnalǵan qorapshalardy daıyndaıtyn baspahana jáne zańsyz ónimderdi saqtaýǵa arnalǵan qoıma, sondaı-aq odan ári tekserý kezinde Almaty oblysynyń Іrgeli kentinde astyrtyn tsehtiń qyzmeti anyqtaldy.

Sarapshynyń qorytyndysyna sáıkes, tárkilengen dárilik preparattardyń jalpy quny 250 mln teńgeden asady.

Sot úkimimen úsh aıyptalýshy QR QK 262-baby 1-bóligi, 323-baby 3-bóligi boıynsha kináli dep tanyldy.

Olarǵa 5,6 jyldan 7,6 jylǵa deıingi merzimge bas bostandyǵynan aıyrý jazasy taǵaıyndaldy.