Almatyda 6 jaıaý júrginshini qaǵyp ketken M.Úsenov 45 táýlikke qamaldy
ALMATY. QazAqparat - Almatyda 6 jaıaý júrginshini kóligimen qaǵyp ketken Maqsat Úsenov 45 táýlikke qamaldy. Almaty qalalyq soty osylaısha, atalǵan is boıynsha prokýratýranyń narazylyǵyn qanaǵattandyrdy, dep habarlady qalalyq prokýratýranyń baspasóz qyzmetinen.
«Almaty qalalyq sotynyń azamattyq jáne ákimshilik is boıynsha alqasy mamandandyrylǵan aýdanaralyq ákimshilik sotynyń qaýlysyna qala prokýratýrasynyń narazylyǵyn tolyq kólemde qanaǵattandyrdy», - dep habarlaıdy prokýratýranyń baspasóz qyzmetinen.
Eske sala keteıik, aýdanaralyq ákimshilik sot budan buryn Úsenovke kólik quralyn basqarý quqyǵynan aıyra otyryp, 250 AEK mólsherinde aıyppul salý arqyly ákimshilik jaza qoldanǵan.
Qaýlynyń osy bóligi ózgertildi. «Sot Úsenovti kólik quralyn basqarý quqyǵynan 2 jyl merzimge aıyra otyryp, 45 táýlik merzimge ákimshilik tutqyndaý túrinde ákimshilik jaza qoldandy», - deıdi quqyq qorǵaý organdarynyń ókilderi. Sot qaýlysy zańdy kúshine endi.
Budan buryn habarlanǵandaı, Úsenov 2013 jylǵy 1 jeltoqsanda BMW-H6 avtokóliginde kele jatyp, aıaqjolda turǵan 6 júrginshini qaǵyp ketken. Onyń biri oqıǵa ornynda qaıtys boldy. Al, júrgizýshi oqıǵa ornynan qashyp ketken edi. Alaıda biraz ýaqyttan keıin ol qolǵa túsken.
