Almatyda 6 zerthanada koronavırýske test tapsyrýǵa bolady
ALMATY. QazAqparat – Almatyda koronavırýs ınfektsııasyn anyqtaıtyn zerthanalar sany eki esege kóbeımek, dep habarlaıdy QazAqparat tilshisi.
Qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaqasymovanyń aıtýynsha, jaqynda Almatyda taǵy 3 zerthana koronavırýs ınfektsııalaryn anyqtaýǵa kóshedi.
«Bizde eger buǵan deıin 3 zerthana jumys istep tursa, olardyń qataryna taǵy 3 zerthana qosylady. Olardyń biri Koreıa men Qazaqstannyń birigip ashqan jekemenshik zerthanasy. Bul uıymnyń arnaıy ruqsat qujattary bar. Sondaı-aq, «Olımp» klınıkalyq dıagnostıkalyq zerthanasynyń (KDZ) da arnaıy ruqsaty bar. Sosyn JIT (SPID) ortalyqtyń laboratorııasy qosylatyn boldy», - dedi onlaın brıfıng barysynda departament basshysy Aızat Moldaqasymova.
Onyń aıtýynsha, «Olımp» KDZ birneshe kúnnen soń jumysqa kirisedi. Al koreıa-qazaqstandyq kompanııa jumys istep jatyr. JITS ortalyq jumys materıaldaryn jetkizý boıynsha kelisimshart júrgizip jatyr.
