Almatyda 6 saıabaq salynady
ALMATY. QazAqparat – Almatyda qala shetinde alty saıabaq salynady. Bul týraly BAQ-qa arnalǵan baspasóz týry barysynda aıtyldy, dep habarlaıdy QazAqparat.
Saıabaqtyń basym bóligi Alataý aýdanynda (Zerdeli, Boraldaı, Saıaly, Ójet shaǵyn aýdandary), sondaı-aq Medeý (Alataý sh.a) jáne Naýryzbaı aýdandarynda (Qarǵaly jaǵalaýynyń boıynda) ashylady. Jańa saıabaqtar balalar jáne sport alańdarymen, rekreatsııalyq aımaqtarmen jabdyqtalady.
Búginde qalada jalpy alańy 631,2 ga bolatyn 211 saıabaq aýmaǵy ornalasqan. Qazirgi ýaqytta segiz nysandy, onyń ishinde saıabaqtardy, skverlerdi jáne t.b. abattandyrý, jóndeý jáne qaıta jańartý jumystary júrgizilýde. Nysandardyń biri – QBTÝ ǵımaratynyń artyndaǵy «Severnyı» skveri, onda bastapqyda tek fontandy rekonstrýktsııalaý josparlanǵan bolatyn. Alaıda, tekserý barysynda búkil alańnyń tozǵany anyqtaldy. Nátıjesinde búkil aýmaqty qaıta qurý týraly sheshim qabyldandy. Joba boıynsha aǵashtardy sanıtarlyq kesý, kógaldandyrý, brýschatkany jańartý, syrtqy jaryqtandyrý, sondaı-aq qala turǵyndary men qonaqtarynyń qaýipsizdigi úshin beınekameralar ornatý qaroastyrylǵan. Barlyq jumystardy 2022 jyldyń qazan aıynda aıaqtaý josparlanýda.
Baıseıitova kóshesi boıymen Sátbaev kóshesinen Jambyl kóshesine deıingi jaıaý júrginshiler aımaǵy sport, balalar alańdarymen, oryndyqtarmen, ýrnalarmen jabdyqtalady, syrtqy jaryqtandyrýdy ornatý josparlanýda.
Ótken jyly Bostandyq aýdanynda jalpy aýmaǵy 3,4 ga bolatyn «Dostyq» saıabaǵyn abattandyrý jáne kógaldandyrý jumystary júrgizildi.Qaıta qurý aıasynda asfalt jabyndary jańartyldy, oryndyqtar men qoqys jáshikteri ornatyldy, syrtqy jaryqtandyrý jáne sýarý júıesi júrgizildi, workout jáne balalar oıyn alańy salyndy.
Qala ortalyǵynan alys ornalasqan árbir aýdanda serýendeıtin aımaqtar salý josparlanýda. Mysaly, Boraldaıdaǵy saıabaq Terrenkýrǵa uqsas bolady, al Zerdelide Ortalyq mádenıet saıabaǵyna uqsas jastar saıabaǵy salynady.
Qazirgi ýaqytta qalanyń saıabaqtary men gúlzarlaryn kútip ustaýda problemalar bar. Osy máseleni sheshý úshin qalanyń saıabaqtary men gúlzarlaryn kútip ustaý jáne olarǵa qyzmet kórsetý jónindegi jumystardyń tıisti sapasyn jáne baqylaýdy qamtamasyz etetin biryńǵaı operator – Eco Almaty» JShS berý týraly usynys engizildi.
