Almatyda 6 qabatty úıdegi órt sóndirildi
ALMATY. QazAqparat - Almatyda 6 qabatty úıden shyqqan órt saǵat 17:44 aýyzdyqtalyp, 18:06-da sóndirildi, dep habarlaıdy QazAqparat tilshisi.
Tilsiz jaý 1180 sharshy metr aýmaqty sharpyp, birneshe páterdi, balkondardy, úıdiń shatyryndaǵy mansard qabatyn túgel jaramsyz etti.
Qalalyq TJD baspasóz qyzmetiniń habarlaýynsha, órtti sóndirýge 82 adam men 25 tehnıka jumyldyrylǵan. Oqıǵa ornynda arnaıy shtab quryldy.
300 adam, onyń ishinde 52 bala qaýipsiz jerge shyǵaryldy.
Eske salsaq, órt týraly habarlama saǵat 16:03-te túsken bolatyn.
