Almatyda 6 adam tabıǵı gazdan ýlandy
ALMATY. QazAqparat – Almatyda ıis tıip ýlanǵan 6 adam aýrýhanaǵa tústi, dep habarlaıdy QazAqparat tilshisi.
Qalalyq TJD basshysynyń orynbasary Arman Baıgelovtyń aıtýynsha, qalany gazdandyrý baǵdarlamasy aıasynda kómirmen jylıtyn úılerdiń sany 2,2 ese azaıǵan. ıAǵnı, 2018-2019 jylytý maýsymynda - 16 626 úı, 2019-2020 jylytý maýsymynda barlyǵy 7264 úı peshpen jylytylady.
Kógildir otyn tutynýshylarynyń sany kóbeıýine baılanysty tabıǵı gazdan ýlaný derekteri de kóbeıe bastaǵan. Bıyldyń ózinde 36 adam ýlanǵan. Byltyr 44 adamǵa medıtsınalyq kómek kórsetilgen bolatyn.
Qaıǵyly oqıǵalar kóbinese gaz quralynyń germetıkalyq qorǵanysy buzylǵannan gazdyń aýaǵa taraýynan bolǵan.
«9 qarashada Naýryzbaı aýdanynyń Qaraǵaıly eldi mekeninde gaz qazandyǵynyń aqaýynan 4 adam gazdan ýlanǵan. Bul úıde gaz qubyrynda tartylys júıesi jumys istemegen. Olar toksıkologııa bólimshesine jetkizildi. Onyń ishinde 1 bala bar. Medıtsınalyq kómek kórsetilgen soń barlyǵy úıine qaıtaryldy. Kóbinese úı ıeleri ózderi úıdiń jertólesinde kómirmen janatyn peshin gaz peshine aýystyryp alady. Bulaı isteýge bolmaıdy», - dedi Arman Baıgelov.
11 qarashada Túrksib aýdanynda Shuǵyl medıtsınalyq kómek kórsetý aýrýhanasynyń toksıkologııa bólimshesine 2 adam gazdan ýlanyp tústi. Olardyń úıindegi peshte de tartylys bolmaǵan.
