Almatyda 6,5 myń adam koronavırýs vaktsınasyn aldy
ALMATY. QazAqparat – Almatyda bir táýlikte 6 530 adam koronavırýs vaktsınasyn saldyrdy, dep habarlaıdy QazAqparat tilshisi.
Qalalyq qoǵamdyq densaýlyq saqtaý basqarmasy baspasóz qyzmetiniń málimetinşe, 21 sáýir de 6 530 almatylyq vaktsına saldyrǵan.
Almatyda 1 aqpan men 22 sáýir aralyǵynda barlyǵy 161 953 adamǵa ekpe egilgen. Vaktsınanyń eki komponentin 15 289 adam aldy.
Almaty qalasynda vaktsınatsııa josparǵa sáıkes júrgizilýde jáne sáýirdiń 11-24 aralyǵynda 100 000-nan astam adamdy KVI-ge qarsy ımmýndaý josparlanǵan.
Búgingi kúni qalada 205 pýnkt jumys istep jatyr, 1 827 adamnan turatyn 406 egý brıgadasy bar.
Sondaı-aq, Á. Qasteev atyndaǵy óner murajaıynda (Sátbaev kóshesi) ashylǵan vaktsınalaý pýnkti jumys isteı bastady. Jumys ýaqyty: 08:00-den 20:00-ge deıin.
Aıta keteıik, Naýryzbaı aýdanyndaǵy «Taý samaly» bazarynda vaktsınatsııa pýnkti ashyldy.
Almaty 22 sáýirde 34 900 doza 7 transh vaktsına aldy (1 komponent).
Eske sala ketsek, Qazaqstanda koronavırýs vaktsınasyn qabyldaǵandar sany 823 myńnan asty.
