Almatyda 57 myń sharshy metr jol jóndeldi
ALMATY. QazAqparat – Almatyda joldardy aǵymdaǵy jóndeý jalǵasýda, 460 kóshedegi 3 myńǵa jýyq shuńqyr jabyldy, dep habarlaıdy QazAqparat tilshisi.
Almaty ákimdiginiń málimetinshe, megapolıste jol jóndeý jumystary sáýir aıynyń basynda bastaldy. Búgingi kúni 2936 aqaýlar joıyldy, 459 kóshedegi oıly shuńqyrlar, shógýler qalpyna keltirildi. Onyń ishinde 96 magıstraldy, 363 aýdandyq mańyzy bar joldar. Jóndelgen joldardyń jalpy alańy 56 729 sharshy metr. Jumys barysynda 656 lıýk pen tor kóterilip, 1370 metr jol jıek tastary jóndeldi.
Barlyǵy 250 myń sharshy metrden astam asfaltbetondy jol, 40 aıaldama qaltalary men alańdardy jóndeý josparlanýda.
Kún saıynǵy jóndeý jumystaryna 400-den astam jumysshy men 155 arnaıy tehnıka jumyldyrylýda.
Jalpy, Almaty qalasynda kóshe-jol jelisiniń uzyndyǵy 3 096,8 shaqyrym, kóshe sany - 2 746. Onyń ishinde magıstraldy mańyzy bar kóshe - 385, olardyń uzyndyǵy 1 150 shaqyrym. Al jergilikti mańyzy barlary - 2361, olardyń uzyndyǵy 1 946,8 shaqyrym.
