Almatyda 56 eski úıdiń turǵyndary jańa baspanaǵa kóship jatyr
ALMATY. QazAqparat - Almatyda paıdalaný merzimi aıaqtalǵan eski úılerdiń turǵyndaryn jańa úıge kóshirý baǵdarlamasy jalǵasyp jatyr, dep habarlaıdy QazAqparat tilshisi.
Búginde Almatyda «Kapıtaldy qurylys kompanııasy» JShS 56 eski úıdi súrip, 576 otbasyn jańa baspanaǵa kóshirdi.
Bolashaqta atalǵan kompanııa 948 úıdi súrip, 8912 páterdi paıdalanýǵa bermek.
Almaty ákimi atalǵan baǵytta jumysty jandandyrý úshin jeke ınvestorlardyń qarjysyn tartpaq.
Qazirgi tańda Áýezov aýdany Súleımenov kóshesindegi №18, 20, 22 úılerdi kezeń-kezeńimen kóshirý bastaldy.
Qazir atalǵan úıdiń 3 otbasy jańa baspanaǵa kóship úlgerdi.
Qalǵan turǵyndar baspananyń zańdy ıesi ekendigin dáleldeıtin qujattaryn tolyqtyrǵan soń kezeń-kezeńimen kóshetin bolady.
«Keıbir turǵyndar usynylǵan sharttarmen kelispeı, úlken úı talap etedi. Al bul kompanııanyń shyǵyndaryn arttyrady», - dedi «Almaty» áleýmettik kásipkerlik kooperatıviniń ókili, «Kapıtaldy qurylys kompanııasy» JShS basshysy Muhıt Ázirbaev.
