Almatyda 545 túlek «Altyn belgi» ıegeri atandy

Altyn belgi ıegerleriniń biri – Nazerke Alǵashbekovanyń aıtýynsha, mektep qashanda jaqsylyq pen izgiliktiń, parasattylyq pen rýhanııatqa toly oıdyń, tanym men tárbıeli isterdiń ordasy.

«Osynda ótkizgen oqýshylyq ómirimizde bizge altyn uıamyz osyndaı ulaǵatty isterdiń ushqynyn boıymyzǵa sińirdi, tálimimen júrekterdi sýardy, baıypty baǵdaryn baǵyt etti, bilimniń kókjıegin boıymyzǵa darytty» – deıdi Altyn belgi ıegeri.

Sonymen qatar, ol qashyqtan oqý formaty oqýshylarǵa, ustazdarǵa ásirese ata-analarǵa ońaı bolmaǵanyn tilge tıek etti. Dese de, senim men kúsh jigerdiń arqasynda oqý jylyn oıdaǵydaı aıaqtaldy.

«Sizder ár kezde de bizdiń bolashaǵymyzǵa alańdadyńyzdar, sol bolashaqtyń basty qarýy bolyp tabylatyn bilim atty asyl kúshti búldirshin kezimizden bastap sińire bildińizder. Sizderdiń osyndaı ushan-teńiz eńbekterińiz ben tógilgen mańdaı terlerińiz - erteńgi bolashaq. Elimizde bolǵan jaǵdaıǵa qaramastan 4-shi toqsandy sátti aıaqtadyq. Osy úshin de Sizderge- №147 gımnazııa ustazdaryna, ujymyna eren eńbek,qoldaýlaryńyzǵa shyn júrekten alǵys aıtamyn» – deıdi Nazerke Alǵashbekova.

Óz kezeginde, mektep dırektory Roza Makejanova oqýshylar men ata– analardy oqý jylynyń aıaqtalýmen quttyqtady.

«Qurmetti oqýshylar, ata-analar Sizderdi oqý jylynyń aıaqtalýymen quttyqtaımyn. Taǵy bir oqý jyly artta qaldy. Bıylǵy oqý jyly oqýshylar men muǵalimderdiń esinde erekshe saqtalyp qalady dep oılaımyn. Sebebi, eldegi tótenshe jaǵdaıǵa baılansty biz 4 toqsandy qashyqtan oqydyq. Bul erekshe úrdis boldy. Osy kezde muǵalimder úlken jaýapkershilikpen, zor yqylaspen jumys istedi, oqýshylar belsendilik tanytty, ata – analar qoldaý kórsetti. Sonyń arqasynda barlyq qıynshylyqty jeńip, sapaly bilim berdik. Sizderge aıtar alǵysym sheksiz. Mektep túlekterine aldaǵy UBT sáttilik tileımin» – dedi onlaın sońǵy qońyraý barysynda mektep dırektory Roza Makejanova.