Almatyda 53 synama «omıkron» shtamy boıynsha tekserilip jatyr

ALMATY. QazAqparat – Almatynyń bas memlekettik sanıtarlyq dárigeri Jandarbek Bekshın megapolıste «omıkron» shtamy qashan paıda bolady degen suraqqa jaýap berdi, dep habarlaıdy QazAqparat tilshisi.

«Bul suraqqa, árıne, jaýap berý múmkin emes. Keletini anyq. Biraq, qaı ýaqytta ekenin bilmeımiz. Biz dúnıejúzilik densaýlyq saqtaý uıymy maquldaǵan derekterdi ǵana paıdalanamyz. «Omıkrondy» boljaıtyn resmı derekter joq», - dedi ol.
Jandarbek Bekshınniń aıtýynsha, búginde qala boıynsha omıkron shtamyna monıtorıng júrgizip jatyr.
«Mysaly 3 jeltoqsanda Nur-Sultanǵa 53 synama jiberdik. Ondaǵy maqsatymyz - sol synamalarda omıkron shtamy bar-joǵyn anyqtaý. Nátıjesi eki-úsh kúnde daıyn bolýy kerek. Sondyqtan omıkron bizdiń elimizde anyqtalǵanyn nemese anyqtalmaǵanyn aıtý erte. 3 jeltoqsannan beri zertteýde tur», - deıdi qalanyń bas sanıtar dárigeri.