Almatyda 513 saılaý ýchaskesine 600 baıqaýshy daıyndaldy - Q. Shaıh
ALMATY. QazAqparat- Almatyda erteń - 26 sáýir kúni ótetin kezekten tys Prezıdent saılaýyna 600 baıqaýshy daıyndaldy. Olar 513 saılaý ýchaskesinde jumys isteıtin bolady.
Bul týraly QazAqparat tilshisine «QR Beıbitshilik qory» qoǵamdyq qorynyń tóraǵasy, Saılaýdy baqylaý jónindegi respýblıkalyq qoǵamdyq komıssııanyń múshesi Qazbek Shaıh málimdedi.
«Saılaýdy baqylaý jónindegi respýblıkalyq qoǵamdyq komıssııa baıqaýshylar shtabyn daıyndap, olardy jan-jaqty úıretti. Almaty boıynsha 600 baıqaýshy daıyndaldy. Olar 513 saılaý ýchaskesinde jumys isteıtin bolady. Al respýblıka boıynsha 9 myńǵa jýyq baıqaýshy daıyndaldy. Bul jerde olarǵa qoıylatyn talap óte joǵary. Baqylaýshylar saılaýǵa baqylaý júrgizý ádisterin jetik meńgerýleri tıis. ıAǵnı, osy salanyń joǵary bilikti mamany bolýlary kerek. Jáne eń bastysy, biz saılaýdyń QR zańnamalaryna sáıkes ádil, ashyq ótkenin tileımiz» - dedi sarapshy.
Sonymen qatar, Qazbek Shaıh bıylǵy saılaýaldy naýqanynyń ótken saılaý naýqandaryna qaraǵanda birqalypty, tynysh ótkenin aıtty.
