Almatyda 51 jastaǵy áıel egiz bala tapty

Qýanyshty jaǵdaı Almaty qalalyq №2 perınataldyq ortalyqta boldy. Ortalyq dırektorynyń orynbasary Qymbat Ábdiraıymovanyń aıtýynsha, jasandy uryqtandyrý (EKU) áıelge kesh jáne óte qajet júktilikti júzege asyrýǵa kómektesti.

Áıel josparly túrde №2 qalalyq perınataldyq ortalyqqa tústi, tıisti daıyndyq sharalary ótkizilgennen keıin kesar tiligi jasaldy.
«Operatsııa asqynýsyz sátti ótti. Dúnıege salmaǵy 2589 gr qyz jáne 2345 gr ul keldi. Baqytty ana ózin jaqsy sezinedi, al egiz - ul men qyz saý bolyp týdy», - deıdi dáriger.
Operatsııadan keıin ana men egizder bosanǵannan keıingi akýsher-dárigerler men jańa týǵan balalar bólimshesiniń neonatolog-dárigerleriniń baqylaýynda boldy.
Operatsııadan keıingi tórtinshi kúni patsıenttiń turaqty jaǵdaıyn, shaǵymdardyń joqtyǵyn, klınıkalyq-zerthanalyq derekterdiń qalypty kórsetkishterin eskere otyryp, úıge shyǵaryldy.
«Men óz emotsııamdy sózben jetkize almaımyn. 50 jasqa deıin bala kótere almadym. Jasandy (ekstrakorporaldy) uryqtandyrý (EKU) protsesin muqııat tekserilip, barlyq yqtımal qaýipti anyqtaǵannan keıin bastadym. Bul kezeńde qıyndyq týyndady jáne júktilik tek EKU-nyń úshinshi retinde júzege asty. Júktilik kezinde meniń jasymda sozylmaly aýrýlardyń órshý máselesi jıi kezdesedi, sonymen qatar, egiz júktilikke baılanysty asqynýlar qosylady - bul eki ese aýyr boldy. Sonda da men balaly bolýdy armandadym. Ana ataný armanym oryndaldy. Medıtsına qyzmetkerlerine alǵys bildiremin, olardyń baǵa jetpes zor úlesin atap ótkim keledi. Rahmet, aq halatty abzal jandar», - dedi ana baqytyn sezingen áıel.
«№2 qalalyq perınataldyq ortalyq ujymy atynan ana men onyń balalaryna zor densaýlyq, baqytty ómir tileımin. Sondaı-aq barlyq bolashaq analarǵa júktilikteri jaqsy ótsin deımiz», - dep atap ótti Q.Ábdiraıymova.