Almatyda 500-den astam kópbalaly otbasyǵa baspana beriledi

ALMATY. QazAqparat – Bıyl Almatyda 500-den astam kópbalaly otbasyǵa baspana berý josparlanyp otyr, dep habarlaıdy QazAqparat tilshisi.

« 2020 jyly Almatyda memlekettik turǵyn úı baǵdarlamalary aıasynda 500-den astam kópbalaly otbasyǵa baspana berý josparlanyp otyr», -dedi baspasóz máslıhaty barysynda Almaty qalasy ákiminiń orynbasary Saparbek Tuıaqbaev.

Buǵan deıin ol almatylyq 661 kópbalaly otbasynyń baspanamen qamtamasyz etilgenin aıtqan bolatyn. Onyń ishinde 10 páter demeýshilik qarajat esebinen alyndy.

Sondaı– aq, ótken jyly «Baqytty otbasy» baǵdarlamasy aıasynda kópbalaly otbasylar úshin 284 páter satyp alyndy.