Almatyda 500 adamǵa arnalǵan jekpe-jek ortalyǵy ashylady
ALMATY. QazAqparat – Almatynyń Jetisý aýdanynda 500 adamǵa arnalǵan jekpe-jek ortalyǵy ashylady, dep habarlaıdy QazAqparat tilshisi.
«Balalardyń jan-jaqty damýyna erekshe kóńil bólýdemiz. Basty mindet — óskeleń urpaqty sportpen, shyǵarmashylyqpen jappaı qamtý, ózin-ózi tárbıeleý jáne ózin-ózi damytý daǵdylaryn qalyptastyrý. Osy jumystyń Jetisý aýdanynda qalaı júzege asyrylyp jatqanyn kórip qaıttym. Munda metsenattardyń kómegimen 500 kelýshige arnalǵan «Aınabulaq jekpe-jek ortalyǵy» quryldy. Qyrkúıek aıynda dál osyndaı úsh ortalyq «Qulager», «Kókmaısa» jáne «Kókjıek» yqshamaýdandarynda ashylady»,- dep jazdy qala ákimi Baqytjan Saǵyntaev Instagram –daǵy paraqshasynda.
Sonymen qatar, aýdannyń bes shaǵyn ýchaskesinde balalarǵa arnalǵan JetisyFootball tegin oqytý baǵdarlamasy jumysyn bastaıdy. Ol qıyn jaǵdaıda qalǵan otbasylardan shyqqan 300 balany qamtymaq. Al jattyqtyrýshylar qalalyq jumyspen qamtý ortalyǵy arqyly tartyldy.
«Sondaı-aq «Aınabulaq-2», «Qulager» jáne «Kemel» yqshamaýdandarynda dene shynyqtyrý-saýyqtyrý keshenderiniń qurylysyna qujattama daıyndalýda. Jalpy syıymdylyǵy bir aýysymda 450 adam. Nysandardy bos jerlerge salý josparlanýda»,– dep jazdy ákim.
