Almatyda 500 adam qan tapsyrdy

ALMATY. QazAqparat - Almatyda 500 adam Bek Air ushaǵy apatynan aman qalǵan adamdarǵa qan tapsyrdy, dep habarlaıdy QazAqparat tilshisi.

«Qala emhanalarynyń bas dárigerlerimen kezdestim. Áýe apatynan zardap shekken 49 patsıenttiń jaǵdaıyn bildim. Onyń ishinde 9 bala bar. Aýrýhanaǵa túsken soń dárigerler, psıhologtar, medqyzmetkerler úzdiksiz kómek kórsetip jatyr. 19 ota jasaldy»,- dedi Baqytjan Saǵyntaev Instagram jelisindegi paraqshasynda.

Onyń aıtýynsha, tańerteń japa shekkenderdiń jaǵdaıy turaqtalady.

Barlyǵy travmatıkalyq shok jaǵdaıynan shyǵaryldy. Birqatary jansaqtaý bóliminde bólimshelerge aýystyryldy.

«Almatylyqtar beı-jaı qarap qalmady. Keshe qalalyq qan ortalyǵynda 341 donor, respýblıkalyq ortalyqta 149 donor qan tapsyrdy. Qala turǵyndaryna alǵys bildiremin»,- dedi ákim.