Almatyda 50 shaqty úı jylýsyz qaldy
ALMATY. QazAqparat - Almatyda jylý jelilerinde shtattan tys jaǵdaı oryn aldy. Bostandyq aýdanynyń 50 shaqty úıi jylýdan ajyratyldy, dep habarlaıdy QazAqparat tilshisi.
Asqarov pen Baıkenov kósheleriniń boıynda ornalasqan ǵımarattarǵa birneshe saǵatqa jylý berý toqtatyldy.
Aldyn ala aqparat boıynsha, shtattan tys jaǵdaı Asqarov pen Sadyqov kósheleriniń qıylysyndaǵy dıametri 500 mm bolatyn qubyrdyń tehnıkalyq quralynyń jumysynyń aqaýynan oryn alǵan.
Qazir aqaý ornynda apattyq brıgada jumys istep jatyr.
Mamandardyń aıtýynsha, jylý atalǵan ǵımarattarǵa keshki 17.00 shamasynda beriledi.
