Almatyda 50 sarbaz qarýly kúshter qataryna qabyldandy

ALMATY. QazAqparat - Almatyda 7 mamyr - Otan qorǵaýshylar kúnine oraı 50 jas sarbaz qarýly kúshter qataryna qabyldandy,  dep habarlaıdy QazAqparat tilshisi.

Saltanatty shara QR Qarýly Kúshteriniń qurylǵanyna 26 jyl tolýyna oraı uıymdastyryldy.

Sarbaz kúninde jergilikti atqarýshy organdar jylda patrıottyq sharalar ótkizip, áskerı bólimderge ekskýrsııa júrgizedi.

Sonymen qatar, jas sarbazdar ardagerlermen kezdesip, áskerı tehnıka kórmesine qatysady.

Búgingi saltanatty shara QR kók baıraǵynyń kóterilýimen bastaldy.

B.Momyshuly atyndaǵy Respýblıkalyq áskerı mektebiniń kýrsanttary Almaty garnızony orkestriniń mýzykalyq súıemeldeýimen kók týdy kóterip shyqty. 

"Sizder ata-analaryńyz, elińiz maqtanatyndaı qyzmet etýlerińiz kerek. Otan aldyndaǵy boryshyńyzdy adal atqaryńyzdar. El tynyshtyǵy men beıbitshiligin abyroımen qorǵańyzdar",- dedi Almaty qalalyq Qorǵanys isteri boıynsha departamentiniń basshysynyń orynbasary Farhad Kurmanǵajınov.

Áskerı qyzmetshiler erejesiz jekpe jek boıynsha mashyqtary men urys tehnıkasyn kórsetti.

Jınalǵandar N.Nazarbaevtyń qatysýymen ótken jaýyngerlik paradty onlaın rejimde kórdi.