Almatyda 50 oıyn mekemesi jabyldy
ALMATY. QazAqparat - Almatyda jyl basynan beri 50 oıyn mekemesi jabyldy, dep habarlaıdy QazAqparat tilshisi.
Bul týraly Almaty qalasy kásipkerler palatasynyń Konsýltatsııalyq keńes otyrysynda aıtyldy.
«Ekonomıkalyq tergeý qyzmetiniń málimeti boıynsha 2017 jyldyń basynan beri 50 oıyn mekemesi jabyldy. Onyń ishinde 43 mekeme elektrondy kazınomen aınalyssa, 7 - oıyn apparatynyń zaly retinde jumys istep turǵan. 617 kompıýterlik tehnıka, 246 teledıdar, 117 elektrondy termınal, 21 oıyn avtomaty men shamamen 6 mln teńge aqshalaı qarjy alyndy», - dep habarlady Almaty qalasy Memlekettik kirister departamentiniń basshysy Asqar Tynysbekov.
Departament basshysy bıýdjetke túsetin salyq pen ózge de tólemderdiń boljanǵan kórsetkishin de baıandady. Almatyda 183 754 kásipker jumys isteıdi, onyń ishinde 74,9 myńy zańdy tulǵa jáne 108,9 myńy - jeke kásipkerlik.
Almaty qalasy bıýdjetiniń kiris bóligi 103%-ǵa oryndalǵan. ıAǵnı, 1 206 058 mln teńge josparlansa, 1 246 762 mln teńge salyq túsken.
«Konsýltatıvtik-keńes berýshi organnyń aldyńǵy otyrysynyń qorytyndysy boıynsha bıznestiń saýalyna qatysty «Qazaqtelekom» AQ elektrondy shot-faktýra aqparattyq júıesi kanaly operatorynyń ótkizý qabiletin arttyrý týraly usynys joldady. Nátıjesinde kanaldyń júgi turaqtaldy jáne 500 mbıt/s deıin retteldi», - dep atap ótti Asqar Tynysbekov.
Salalyq qaýymdastyqtar men kompanııalarǵa jalǵan lotoreıalar men aqsha utysy bar ınternet-oıyndarynyń zııandy áseri týraly, sondaı-aq zańsyz oıyn bıznesimen aınalysatyn tulǵalardyń, jalpy aýmaqta sondaı oıyn avtomattaryn ornalastyrý úshin orynjaıdy jalǵa berýshiler men olardyń ıeleriniń qylmystyq jaýaptylyǵy týraly taǵy bir aıtyldy.
Kezdesý barysynda elektrondy shot-faktýrany berý kezinde qaıtalanatyn qatelikter, ASTANA-1 aqparattyq júıesin engizý máseleleri qaraldy.
