Almatyda 50 myń turǵyn emhanaǵa tirkelgen
ALMATY. QazAqparat - Almatyda eki aıda 50 myń turǵyn qaralatyn emhanasyna tańdaý jasaǵan. Bul týraly brıfıng barysynda Áleýmettik medıtsınalyq saqtandyrý qorynyń ókilderi aıtty, dep habarlaıdy QazAqparat tilshisi.
Qazaqstan boıynsha emhanalarǵa tirkelý naýqany aıaqtaldy. Almatylyqtardyń 50 myńy ǵana osy múmkindikti paıdalanyp úlgerdi.
Áleýmettik medıtsınalyq saqtandyrý qorynyń Almatydaǵy bólimshesiniń dırektory Tileýhan Ábildaev turǵyndardyń kópshiligi Egov portaly arqyly tirkelgenin aıtty.
«Osy 55 myń adamnyń 5 myńy - oralmandar men sheteldik azamattar. Onyń ishinde 11 myń almatylyq elektrondy úkimet arqyly tirkelgen. Bıyl naýqanǵa 43 jekemenshik emhana tirkelip otyr. Byltyr olardyń sany 31 bolatyn», - dedi T.Ábildaev.
Al Qazaqstan boıynsha barlyǵy 30 myńǵa jýyq adam emhanaǵa tirkeldi.
Túrkistan, Almaty, Qaraǵandy, Shymkent, Almaty oblystary turǵyndary asa belsendilik tanytqan. 300 myńnyń 13,5 myńy emhanaǵa barmaı-aq, elektrondy túrde tirkelgen.
