Almatyda 50-den astam kólikti aǵash basyp qaldy
ALMATY. QazAqparat – Keshe Almaty qalasynda qalyń qardyń saldarynan 200-ge jýyq butaq pen aǵash qulady. Saldarynan 50-den astamy jeke kólikke zaqym keltirgen, dep habarlaıdy QazAqparat tilshisi.
Qalalyq qutqarý qyzmetiniń habarlaýynsha, «109» qyzmetiniń qutqarýshylary men aýdandyq ákimdik qyzmetkerleri qulaǵan aǵashtardy tazalaý úshin atalǵan jerlerge barady.
«Kóptegen jaǵdaıda qutqarýshylar qulaǵan aǵashty alyptastaý úshin úshin arnaıy quraldy, gıdravlıkalyq júk kótergish krandy qoldandy. «109» qyzmetine kelip túsken qońyraýlar tez arada óz sheshimin tapty»,- dep habarlaıdy qutqarý qyzmeti.
Sonymen qatar, qutqarý qyzmeti turǵyndardy qalyń qar nemese nóser jańbyr kezinde jeke qaýipsizdik sharalaryn saqtaýǵa shaqyrady.
«Kommýnaldyq jáne qalalyq qyzmetter qabyldaǵan shuǵyl sharalarǵa qaramastan, megapolıstiń keıbir aýdandarynda aǵashtardyń qulaýy múmkin. Jaraqat men aýyr zardaptardyń aldyn alý úshin, aǵashtar men kópqabatty úılerdiń qasynda júrmeýge keńes beremiz. Sondaı-aq, kólikterińizdi qar basyp qalǵan aǵashtyń túbine qoımańyz»,- dep tolyqtyrdy qalalyq qutqarý qyzmeti.
