Almatyda 50-den astam adamdy jumyspen qamtıtyn jańa saýda úıi boı kóterdi
ALMATY. 7 shilde. QazAqparat /Ádilet Musahaev/ - Keshe Almaty qalasy Áýezov aýdanynda 5 qabatty, jalpy aýmaǵy 6200 sharshy metrdi quraıtyn, 50-den astam adamdy jumyspen qamtıtyn «Forým» jıhaz saýda úıi ashyldy.
Atalǵan jańa ǵımarttyń saltanatty ashylý rásimine kelgen aýdan ákimi Bekqalı Torǵaev aldymen jınalǵan jurtshylyqty kele jatqan Qazaqstan Respýblıkasy táýelsizdiginiń 20-jyldyq mereıtoıymen, sondaı-aq, Astana kúni merekesimen shyn júrekten quttyqtady.
«Birligimiz ben aýyzbirshiligimizdiń arqasynda Áýezov aýdany búginde áleýmettik-ekonomıkalyq salada zor jetistikterge jetip otyr. Bul eń aldymen qala jáne aýdanda turyp jatqan barsha azamattardyń qajyrly eńbeginiń arqasynda qol jetken jetistik», -dep atap ótti aýdan ákimi.
Búgin bul aýdanda qazirgi zaman talaptaryna sáıkes kelmeıtin saýda oryndary men bazarlardyń ornyn qazirgi zamanǵa saı salynǵan saýda ortalyqtarymen tolyqtyrý jumystary qolǵa alynyp jatyr. Bul birinshi kezekte zaman talaby, ekinshiden tutynýshylarǵa qyzmet kórsetý sapasyn arttyrý úshin atqarylyp jatqan jumys ekendigi belgili. Osy tusta B.Torǵaev: «Biz aýdanymyzda jańadan ashylǵan árbir nysanǵa úlken mán beremiz, óıtkeni ol jańa jumys oryndary men qalaǵa quıylǵan jańa ınvestıtsııa ekendigi aıdan anyq», -dedi.
Atalǵan ǵımarat Z.Qabdolov kóshesiniń boıynda «ARMADA» saýda ortalyǵyna qarama-qarsy jerde salynǵan.
