Almatyda 50-den asa múgedektigi bar áıelderge ońaltý tehnıkalary tabystaldy
ALMATY. 28 jeltoqsan. QazAqparat /Názıra Eleýhan/ - Búgin Almatyda «Shyraq» múgedek áıelder qaýymdastyǵy 50-den asa múgedektigi bar áıelderge ońaltý tehnıkalaryn - arbalar, baldaqtar, arnaıy oryndyqtar jáne basqa da 80 túrli turmysqa qajetti zattardy tabystady.
Uıymdastyrýshylardyń aıtýynsha, atalmysh zattar «Intergaz Tsentralnaıa Azııa» kompanııasy demeýshiligimen 1 mln. kólemindegi qarajatqa alynǵan.
«Qaıyrymdylyq aktsııany biz dástúrli túrde ótkizip kelemiz. Bizdiń qaýymdastyq 7 jyldan asa ýaqyt boıy jumys isteý barysynda 250-deı múgedek áıelder men qyzdardy, sonymen birge Qazaqstan aýmaqtarynyń jáne Orta Azııa elderiniń 20-dan asa yntaly toptary men uıymdaryn biriktirip, múmkindikteri shektelgen áıelderdiń quqyqtaryn qorǵaý jáne múddelerin alǵa bastyrý, teń múmkindikteri bar qoǵam qurýǵa umtyldyrý syndy mindetterin atqaryp, ózin myqty, turaqty túrde damýshy uıym retinde kórsetip keledi», - dedi «Shyraq» múgedek-áıelder qaýymdastyǵynyń tóraıymy Lázzat Qaltaeva.
Onyń aıtýynsha, qazirgi tańda elimizde 250 myńǵa jýyq, al Almaty qalasynda 22 myń múgedektigi bar áıelder ómir súrýde.
