Almatyda 5 jasar qyzdy avtobýs qaǵyp ketti
ALMATY. QazAqparat - Almatyda jolaýshylar avtobýsy bes jasar qyz ben onyń anasyn qaǵyp ketti, dep habarlaıdy QazAqparat tilshisi.
Almaty qalalyq polıtsııa departamenti málim etkendeı, jol apaty keshe keshke bolǵan. Kishkentaı qyz baǵdarshamnyń qyzyl túsine qaramaı joldan ótken. Onyń janynda anasy men aǵasy bolǵan.
«Golden Drakon» markaly avtobýstyń 1968 jyly týǵan júrgizýshisi Abaı dańǵylymen batys baǵytta Jarokov kóshesiniń qıylysynda eki jaıaý júrginshini qaǵyp ketti. Olar - 1983 jyly týǵan A. esimdi kelinshek pen onyń 2015 jyly týǵan qyzy. Sondaı-aq, apat saldarynan avtobýstyń bir jolaýshysy zardap shekti» deıdi Almaty qalasy PD tergeý bóliminiń bastyǵy Oljas Sháripov.
Zardap shekkenderdiń barlyǵy medıtsınalyq mekemelerge jatqyzyldy.
«Bul fakt aýmaqtyq quramy boıynsha Almaly aýdanynyń polıtsııa basqarmasynda tirkeldi. Tıisti saraptama taǵaıyndaldy» dep tolyqtyrdy departamentten.
