Almatyda 5 jasar balany urlamaq bolǵan

ALMATY. QazAqparat - Almatyda er adam 5 jasar balany alyp ketpek bolǵan. Kúdikti ustaldy, dep habarlaıdy QazAqparat tilshisi.

Bul aqparat áleýmettik jelide jarııalandy.

Vıdeo avtory 10 shildede kóshede 5 jastaǵy balany bóten adam alyp ketpekshi bolǵanyn aıtty.

«Balalar alańynda aınalyp júrgen bóten erkekti kórshim baıqaǵan. Keıin ol balalardyń birin dúkenge barýǵa shaqyrǵan. Kórshim olardyń artynan ilesken. Er adam ony kórip, ul balaǵa shópterdiń arasyna tyǵyla tur degen. Ol beınekameraǵa túsip qalǵan. Balanyń ata anasy polıtsııaǵa aryzdandy», - delingen postta.

Qalalyq PD baspasóz qyzmeti bul derek boıynsha túsinik berdi.

«Aryz 10 shildede jazyldy. 1961 jyly týǵan adam ustaldy. Jergilikti turǵyn balaǵa sý ápermek bolǵan. Onyń qandaı oıy bolǵany tergeý barysynda anyqtalady», - dedi polıtsııadan.