Almatyda 5-shi «TQM KAZ-2010» halyqaralyq sapa menedjerleri forýmy ótedi
ASTANA. Maýsymnyń 21-i. QazAqparat - Maýsymnyń 23-25-i kúnderi Almatyda 5-shi «TQM KAZ-2010» halyqaralyq sapa menedjerleri forýmy ótedi. Elimizde osymen 5-shi márte ótkeli otyrǵan sharany halyqaralyq menedjerler jáne aýdıtorlar qaýymdastyǵy uıymdastyryp otyr.
«Sapa - básekege qabilettilik jetistiginiń kepili» degen taqyryptaǵy forým QR Úkimetiniń turaqty damýdy qamtamasyz etýge jáne álemdik ekonomıkalyq keńistiktegi eldiń halyqaralyq birigýine baǵyttalǵan ekonomıkalyq reformalaryn qoldaý maqsatynda ótkiziledi.
Alqaly jıynǵa qatysýshylar sapa menedjmenti salasyndaǵy áriptesterimen qajetti problemalardy talqylaýmen qatar damyǵan elderdiń tájirıbelerimen tanys bola alady. Іs-sharaǵa zertteýleri álemniń kóptegen tilderine aýdarylyp, myńdaǵan kásiporyndar men uıymdardy basqarý problemalaryn sheshý úshin keńinen paıdalanylatyn esimi álemge tanymal ǵalymdar, sapa salasynyń mamandary qatysady. Forým barysynda AQSh, Úndistan, Chehııa, Reseı, Ózbekstan, Qazaqstan jáne basqa da elderdiń sapa boıynsha bilikti mamandary baıandama jasaıdy.
Forým jumysyna memlekettik uıymdardyń, ekonomıkanyń barlyq sektoryndaǵy kásiporyndardyń, sapa qyzmetteriniń basshylary, iri, orta jáne shaǵyn bıznes ókilderi shaqyrylǵan. Іs-shara aıasynda «Úzdik sapa menedjeri-2010» konkýrsynyń aqtyq syny ótedi.
