Almatyda 5 myńnan astam abonent jaryqsyz qaldy
ALMATY. QazAqparat – Almatyda birneshe aýdan elektr jaryǵynsyz qaldy. Qala ákimdigi sebebin túsindirdi, dep habarlaıdy QazAqparat tilshisi.
«20 qyrkúıekte Momyshuly men Rysqulov kósheleriniń qıylysynda jańadan salynyp jatqan meıramhana janynda jerasty jumystaryn júrgizý kezinde Nurkent 1-2 (Atletter aýyly) jáne Almaly yqshamaýdandaryn, №201 mektep pen balabaqshany elektr jaryǵymen qamtamasyz etetin kabel zaqymdanǵan», - dep habarlady ákimdikten.
Sonyń saldarynan 5365 jeke jáne 44 zańdy tulǵa jaryqsyz qalǵan. Apatty joıýmen «AJK» AQ-nyń 3 arnaıy tehnıkasy jáne 5 jumysshysy aınalysýda. Keshki saǵat 19.00-de elektr jaryǵy qaıta beriletini ýáde etildi.
