Almatyda 5 memlekettiń áskerıleri bas qosty
ALMATY. Naýryzdyń 16-sy. QazAqparat /Erbol Azanbek/ - Búgin Almatyda QR Qorǵanys mınıstrligine qarasty Radıoelektronıka jáne baılanys ınstıtýtynda Qazaqstan, Qyrǵyzstan, Reseı, Tájikstan jáne Qytaı arasyndaǵy 1996 jylǵy Shanhaı, 1997 jylǵy Máskeý kelisimderine sáıkes áskerı salada yntymaqtastyqty damytý maqsatynda aımaqtyq semınar ótip jatyr,
dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.
Semınarǵa Shanhaı yntymaqtastyq uıymyna qatysýshy memleketterdiń áskerı qurylymdarynyń ókilderi qatysýda.
«Mańyzdy áskerı jáne saıası sheshimder beıbitshiliktiń saqtalýyna ǵana emes, beıbit kórshilikti odan ári jalǵastyrýǵa da áser etedi.Búgingi shara 5 memlekettiń áskerı salada ózara túsinistigin nyǵaıtý, pikir almasý, keńes berý baǵytynda ótedi», deıdi QR Qorǵanys mınıstriniń orynbasary Bolat Sembınov.Semınar Shanhaı jáne Máskeý kelisimderiniń alǵashqy otyrysynyń 10 jyldyǵyna arnalyp ótkizilýde.Semınardy ótkizý týraly sheshim 5 memlekettiń arasyndaǵy baqylaý tobynyń 21-shi sessııasy barysynda qabyldanǵan bolatyn.Semınarda Shanhaı jáne Máskeý kelisiminde qarastyrylǵan máselelerdiń barlyǵy talqylanýda.
