Almatyda 5 kólik soqtyǵysyp, 2 bala jaraqat aldy
ALMATY. QazAqparat - Almatyda qatty jaýǵan jaýyn saldarynan Mitsubishi Galant pen Toyota Camry 3 ret soqtyǵysty, dep habarlaıdy QazAqparat tilshisi.
Jol apaty Saın kóshesiniń boıynda boldy.
Saın kóshesimen soltústikke baǵyt alyp bara jatqan Toıota Kamrı júrgizýshisi Tóle bı kóshesine jetpeı toqtamaq bolǵanda, onyń artynan Mitsubishi Galant kóligi soǵyp toqtaǵan. Júrgizýshiler kólikten shyǵyp mámilege kelmek bolǵanda, kólikterdi soltústik baǵytta kele jatqan taǵy bir Mitsubishi Galant soǵyp ketedi. Alaıda, Soqqan Mitsubishi Galant júrgizýshisi oqıǵa ornynan qashyp ketken.
Júrgizýshiler mán-jaıdy anyqtap almaı jatyp, Saın kóshesimen yzǵytyp kele jatqan Leksýs 470 kóligi biriniń artynan biri turǵan Mitsubishi Galant men Toyota Camry kóligin taǵy soǵyp ketedi.
Biraz ýaqyttan soń jaýyn sýynan Mersedes S klass kóligi tizginin tarta almaı jol shetindegi Mitsubishi Galant men Toyota Camry kóligin taǵy baryp soǵady.
Jol apaty saldarynan Mitsubishi Galant kóliginen 2 bala zardap shekken. Olarǵa medıtsınalyq kómek kórsetilgen soń ambýlatorııalyq emdeýge jiberildi.
