Almatyda 5 qabatty turǵyn úı órtendi
ALMATY. QazAqparat - Almatyda bes qabatty turǵyn úıden órt shyqty, dep habarlaıdy QazAqparat tilshisi.
Almaly aýdanynyń órt sóndirý bólimine búgin saǵat 16.42-de Jibek joly dańǵyly, 188 úıde órt shyqqany týraly habarlama tústi. Órttiń joǵarǵy qabat pen kórshi páterlerge jaıylý qaýpi týyndady. Órt 25 sharshy metrdi sharpyǵan. Páterde jıhaz ben aǵash zattar órtengen. Órtti sóndirýge 6 tehnıka, avtobaspaldaq, 28 órt sóndirýshi jumyldyryldy.
Órt tolyǵymen saǵat 17.34-te sóndirildi. Tótenshe oqıǵadan zardap shekkender men qaza tapqandar joq.
