Almatyda 5 aılyq sábı syrǵa jutyp qoıǵan
ALMATY. QazAqparat - Almatylyq dárigerler syrǵa jutyp qoıǵan 5 aılyq búldirshinniń jaǵdaıy týraly túsinik berdi, dep habarlaıdy QazAqparat tilshisi.
Mamandardyń aıtýynsha, 5 aılyq balany jedel járdem brıgadasy qalalyq balalar juqpaly aýrýhanasyna jetkizgen. Bala alqynyp, demalýy qıyndap kelgen.
«Dárigerlerdiń qaraýynan soń rentgen onyń óńeshinde bógde zat turyp qalǵanyn kórsetti. Náreste «Balalar shuǵyl medıtsınalyq járdem ortalyǵy» aýrýhanasyna jiberildi. Túski 14:00 shamasynda balanyń óńeshinen endoskopııalyq jolmen syrǵa alynyp tastaldy. Qazir jaǵdaıy jaqsy, birqalypty. Ýaqytynda kórsetilgen kómektiń arqasynda balanyń óńeshinde jara paıda bolǵan joq. Qan aqqan joq», - dep málim etti qalalyq Qoǵam densaýlyqty qorǵaý basqarmasynan.
