Almatyda 5 aıda dúnıege kelgen sábıler sany 6,1 paıyzǵa ulǵaıdy
ALMATY. Maýsymnyń 24-i. QazAqparat /Erlik Erjanuly/ - Almatyda resmı tirkelgender men medıtsına mekemelerinde tirkeýde turǵandardyń aıyrmasy 1 mıllıon 120 myń adamdy quraıdy. Bul búgin Almatyda ótken qalalalyq prokýratýranyń alqa májilisinde aıtyldy,
dep habarlaıdy QazAqparat.
«Almatyda jyl basynda tirkelgen halyqtyń sany 1 mıllıon 404 myń adam boldy. Al medıtsına mekemelerinde tirkelgen adamdyń sany 2 mıllıon 525 myńdy qurady. Aıyrma 1 mıllıon 120 myń. Ózge óńirlerden áıelder munda kóbine bosaný úshin keledi», deıdi qala ákiminiń orynbasary Serik Seıdýmanov. Onyń aıtýynsha, byltyr qalada dúnıege kelgen sábılerdiń sany aldyńǵy jylmen salystyrǵanda 34 myńǵa deıin azaıǵan edi. Bıyl 5 aıda ósim 6,1 paıyzdy qurap otyr.
