Almatyda 5 avtobýstyń terezesin syndyrǵan oqýshylardyń ata-anasy jaýapqa tartyldy
Almaty qalalyq Polıtsııa departamentiniń málimetinshe, avtopark basshysy Alataý aýdanynyń polıtsııa basqarmasyna aryzben júgingen.
Onyń aıtýynsha, bir aı ishinde belgisiz bireýler №25-shi baǵyttaǵy bes qoǵamdyq kóliktiń terezelerin syndyrǵan.
«Tekserý is-sharalary barysynda buzaqylar anyqtaldy. Olar qala mektepteriniń biriniń 7-9-synyp oqýshylary bolyp shyqty. Bizdiń aýdanda turady. Olardyń ata-anasy balalarynyń zańsyz áreketteri úshin QR ÁQbK-niń 435 baby - kámeletke tolmaǵandar jasaǵan buzaqylyq boıynsha jaýapqa tartyldy. Bul baptyń sanktsııasy 7 AEK kóleminde aıyppul salýdy qarastyrady», - deıdi Alataý aýdandyq polıtsııa basqarmasynyń bastyǵy Іlııas Ómirserikov.
Sonymen qatar, jasóspirimder ıývenaldy polıtsııanyń esebine qoıyldy. Balalarmen jáne olardyń ata-analarymen túsindirme áńgime júrgizildi.
«Meni Alataý aýdanynyń polıtsııa bólimine shaqyrdy. Bizdiń avtobýstardyń áınegin syndyrǵan buzaqylar ustaldy. Polıtsııa qyzmetkerlerine alǵysymdy bildirgim keledi», - dep naqtylady óz kezeginde avtopark kompanııasynyń ókili.
Buǵan deıin Terezesi shaǵylǵan avtobýstyń vıdeosy men sýreti áleýmetik jelide paıda boldy.
