Almatyda 5 adamy bar avtomobıl shuńqyrǵa túsip ketti
ALMATY. QazAqparat - Almatyda jeńil kólik júrgizýshisi jol belgilerin der kezinde ańǵara almaı, shuńqyrǵa túsip ketti, dep habarlaıdy QazAqparat tilshisi.
Oqys oqıǵa 28 maýsym kúni tańerteń Tóle bı jáne Áıtıev kósheleriniń qıylysynda bolǵan. Tóle bı kóshesimen batysqa qaraı bara jatqan jeńil kólik júrgizýshisi qurylys jumystary júrip jatqan ýchaskedegi belgilerdi ańǵarmaı qalyp, shuńqyrǵa túsip ketken.
Oqıǵa saldarynan júrgizýshi jáne tórt jolaýshy zardap shekti. Olardyń barlyǵy túrli dárejedegi jaraqattarmen aýrýhanaǵa jetkizildi. Almaty polıtsııasy oqıǵanyń mán-jaıyn tekserip jatyr.
