Almatyda 5,7 myń adam koronavırýs vaktsınasyn aldy
ALMATY. QazAqparat – Almatyda bir táýlikte 5724 adam vaktsına saldyrdy, dep habarlaıdy QazAqparat tilshisi.
«21 sáýir kúni 5724 almatylyq vaktsına saldyrdy», - dep habarlady qalalyq qoǵamdyq densaýlyq saqtaý basqarmasynyń baspasóz qyzmeti.
Bıylǵy jyldyń 1 aqpany men 21 sáýir aralyǵynda 155423 adamǵa ekpe salyndy. Vaktsınanyń eki komponentin 15 289 adam aldy.
Almaty qalasynda vaktsınatsııa josparǵa sáıkes júrgizilýde jáne sáýirdiń 11-24 aralyǵynda 100 000-nan astam adamdy KVI-ge qarsy ımmýndaý josparlanǵan.
Búgingi kúni qalada 203 pýnkt jumys istep jatyr, 1 809 adamnan turatyn 406 egý brıgadasy bar.
Sondaı-aq, Á. Qasteev atyndaǵy óner murajaıynda (Sátbaev k-si) ashylǵan vaktsınalaý pýnkti óz jumysyn bastady. Jumys ýaqyty: 08:00-den 20:00-ge deıin. Naýryzbaı aýdanyndaǵy «Taýsamaly» bazarynda da vaktsınatsııa pýnkti ashyldy.
Aıta ketsek, megapolıs ákimi Baqytjan Saǵyntaev «Almaty» telearnasyndaǵy Akimat Live baǵdarlamasynyń tikeleı efırinde qala turǵyndaryn, ásirese aǵa býyndy COVID-19-qa qarsy vaktsına alýǵa shaqyrdy.
