Almatyda 497 adam karantınde jatyr
ALMATY. QazAqparat – Almaty qalasy ákiminiń orynbasary, koronavırýstyń aldyn alý boıynsha qurylǵan arnaıy shtab basshysy Erjan Babaqumarov Almatyda zerthanalyq jolmen eshbir patsıentten koronavırýs juqpasy rastalmaǵanyn aıtty, dep habarlaıdy QazAqparat tilshisi.
Onyń aıtýynsha, qalada medıtsınalyq baqylaý júıesi úsh baǵytta uıymdastyrylǵan.
Birinshisi juqpaly aýrý bola qalǵan jaǵdaıda iske qosylady. Ekinshisi - provızorlyq baǵyt.
«Provızorlyq ortalyq - juqtyrý qaýpi joǵary adamdar. Úshinshi baǵyt – ınfektsııa shyqqan elderden kelgen adamdardy karantınge jatqyzý. Osy úsh sanat qazir tekserýden ótip jatyr», - dedi E.Babaqumarov.
Onyń aıtýynsha, qalada koronavırýs juqpasy eshqandaı adamnan zerthanalyq deńgeıde rastalǵan joq.
«12,5 myń (adam – red.) baǵyttaldy. Almaty bul turǵydan eń daıyndyǵy joǵary qala. Bizde 1 ortalyqtandyrylǵan, 2 ulttyq zerthana jumys isteıdi», - dedi qala ákiminiń orynbasary Erjan Babaqumarov Qoǵamdyq keńes otyrysynda.
Búginde Almatyda 497 adam karantınde jatyr. Olardyń jaǵdaıy birqalypty. Provızorlyq ortalyqtarda 10 patsıent jatyr. Olardyń densaýlyǵyna testilegende zerthana synamasy JRVI men tumaýdy kórsetti.
