Almatyda 49 jastaǵy áıel onynshy qabattan sekirip, mert boldy
ALMATY. QazAqparat - Almatyda áıel 10-qabattyń terezesinen sekirip, qaza tapty, dep habarlaıdy QazAqparat tilshisi.
Oqıǵa ornynan túsirilgen vıdeo áleýmettik jelide tarady.
«Tóle bı kóshesiniń boıynda, Saıran kóliniń janynda. Bir qyz terezeden sekirip ketti. Oqıǵa ornynda krmınalıster jumys istep jatyr» dep jazdy jeli qoldanýshysy.
Qalalyq polıtsııa departamentiniń baspasóz qyzmeti málim etkendeı, áıel 10-shy qabatta ornalasqan páterdiń terezesinen sekirip ketken.
Bul oqıǵa 3 mamyrda Almaty qalasynyń Almaly aýdanynda ornalasqan turǵyn úı keshenderiniń birinde bolǵan.
«1972 jyly týǵan áıel psıhonevrologııalyq dıspanserde esepte turǵan. Atalǵan fakt sotqa deıingi tergeýdiń biryńǵaı tizilimine QR Qylmystyq kodeksiniń 105-baby boıynsha tirkeldi. Oqıǵanyń mán-jaıy anyqtalyp jatyr» dep habarlady polıtsııadan.
