Almatyda 46 nysannyń jumysyna ruqsat berilmedi
ALMATY. QazAqparat –Almatyda Almatyda 46 nysannyń jumysyna ruqsat berilmedi. Bul týraly qalanyń bas sanıtarlyq dárigeri Jandarbek Bekshın brıfıng barysynda aıtty, dep habarlaıdy QazAqparat tilshisi.
«Qazir epıdemıologtar men ákimdik qyzmetkerlerinen turatyn komıssııa Almatydaǵy árbir vedomstvo, kásiporyn men mekemelerde karantın talaptarynyń saqtalýyna jan-jaqty tekseris júrgizip jatyr. Ótken senbi, jeksenbi kúnderi 269 nysan qaralyp, olarǵa baǵa berildi. Onyń ishinde 222 nysanǵa «daıyndyǵy tolyq» degen akti berildi. Qalǵan 46 nysan jumys isteýge daıyn bolmaǵandyqtan – ruqsat berilmedi. Al 1 nysan talaptardy saqtamaǵany úshin jabyldy»,– dedi Jandarbek Bekshın.
Onyń aıtýynsha, bul – vırýstyń keńinen tarap ketpeýi úshin qoldanylyp jatqan shara.
«Bizdiń mindetimiz tek aıyppul salý ǵana emes, olarǵa túsindirý jumystaryn júrgizý», -dedi ol.
