Almatyda 46 kafe-bar karantınge qaramastan tún jarymynda jumys istegen

ALMATY. QazAqparat – Megapolıs ákimi Baqytjan Saǵyntaevtyń tapsyrmasymen sanıtarlyq-epıdemııalyq sharalardy kúsheıtý aıasynda qarashanyń 6-cynan 7-cine qaraǵan túni qalalyq polıtsııa departamentiniń 7 toby birlesip, 32 mobıldi top qyzmet etti, dep habarlaıdy QazAqparat tilshisi.

Basty maqsat - karantın sharalarynyń buzylý faktilerin anyqtaý jáne jolyn kesý.

Qazaqstanda ótken táýlikte koronavırýs ınfektsııasyna PTR nátıjesi oń shyqqan 613 naýqas anyqtaldy, onyń ishinde 32 adam - Almaty qalasynyń turǵyndary.

Almatyda 6 qarasha túnde sanıtarlyq-epıdemııalyq talaptardyń saqtalýyna 52 nysan tekserildi.

Nátıjesinde 46 nysannyń jumysy toqtatylyp, 16 mekemeden qonaqtar shyǵaryldy.

Medeý aýdany:

1. «Nebo» resto-bary (Dostyq dańǵyly, 192/2);

2. «ChaıLa kitchen» meıramhanasy (Abaı dańǵyly, 17);

3. «O2» klýb-bary (Qajymuqan kóshesi,43);

4. «Late night show» bary (Nazarbaev dańǵyly, 124);

5. «Shıshka Edition» bary (Qajymuqan kóshesi, 49);

6. Bodı massaj salony (Ospanov kóshesi, 54).

Almaly aýdany:

1. Red Dragon dámhanasy (Gogol kóshesi, №87 úı);

2. «Arena» kompıýter klýby (Gogol kóshesi, №58 úı);

3. «Aragosta» dámhanasy (Jambyl kóshesi, №129 úı);

4. «Bıngo» loto klýby (Masanshy kóshesi, №61 úı);

5. «Aýra» kompıýter klýby (Qashqar kóshesi, №69 úı);

6. «Blek» kafe-bary (Nazarbaev dańǵyly, №57 úı);.

7. «Bıngo» loto klýby (Seıfýllın dańǵyly, №519 úı.);

8. Loto klýb (Abaı dańǵyly, №143 úı);

9. «Pırat» dámhanasy(Tole bı kóshesi, №207a úı);

10. «Grand-Opera» qonaq úıi (lobbı bar qyzmet etken) (Qabanbaı batyr kóshesi, №136/1 úı).

Anyqtalǵan zańbuzýshylyqtar boıynsha materıaldar tıisti sharalardy qabyldaý úshin berildi. Sonymen birge karantın sharalaryn qatań ustaný jáne tártip buzýshylyqtardy joıý qajettigi týraly túsindirý júrgizildi.

Odan bólek, tekserý sharalary barysynda túngi toptar QR ÁQBtK 425-babynyń 1-bóligi boıynsha maska rejımin buzǵan 20 adamdy ákimshilik jaýapkershilikke tartty.

Almaty ákimdigi kásipkerlik sýbektilerinen menshik nysanyna qaramastan sanıtarlyq-epıdemıologııalyq qaýipsizdik sharalaryn buzbaýdy suraıdy. Megapolıs turǵyndary men qonaqtaryna, ásirese 65 jastan asqan kisilerge adamdar kóp jınalatyn oryndarǵa barmaý usynylady.

Bıznes nysandary belgilengen jumys rejımin saqtaýy jáne qalanyń bas memlekettik sanıtar dárigeriniń qaýlysymen belgilengen barlyq talaptardyń tolyq oryndalýyn qamtamasyz etýi qajet: personal men kelýshilerdi termometrııalaýdy júrgizý, personaldy medıtsınalyq maskalar men qolǵaptarmen qamtamasyz etý; qoldy dezınfektsııalaý úshin sanıtaızerler ornatý; 4 sharshy metrge 1 adam esebinen kelýshiler sanyn shekteýdi qamtamasyz etý; áleýmettik belgiler bolǵan kezde saýda zaldaryna kirýdi júzege asyrý; kelýshilerden betperdelerdiń bolýyn talap etý; kelýshilerdiń jınalýyn boldyrmaý jáne áleýmettik alshaqtyqtyń saqtalýyn qamtamasyz etý; irgeles aýmaqty dezınfektsııalaýdy táýligine keminde 1 ret júrgizý.