Almatyda 45 jyl boıy tize býynyna kirip ketken ınemen júrgen áıelge ota jasaldy
ALMATY. QazAqparat – Ortalyq qalalyq klınıkalyq aýrýhanaǵa 45 jyl buryn oń aıaǵynyń tize býynyna tigin mashınasynyń ınesi kirip ketken áıel tústi, dep habarlaıdy QazAqparat tilshisi.
Áıeldiń aıtýynsha, bala kúninde jarattanǵan. Sol kezde ıneni alyp tastaý úshin operatsııa jasalǵan, biraq ıne tabylmaǵan.
«Osy jyldar ishinde ıne mazamdy alǵan joq, bıyl ǵana qatty aýyryp, kúnnen-kúnge asqyna tústi. Aqsańdap júre bastadym. Sondyqtan, statsıonarǵa júgindim. Maǵan rentgen jasap, operatsııa jasaý qajet ekeni aıtyldy», - dedi ol.
Aýrýhana travmatologteri ıneni alyp tastaý boıynsha jarty saǵatqa sozylǵan operatsııa jasady. Operatsııadan soń áıel aqsańdap júrýin qoıdy ári aýrýy basyldy.
Operatsııany jasaǵan travmatolog Dáýlet Chýkmanovtyń aıtýynsha, kóp jyldar ishinde ıne ınkapsýlıatsııalanǵan.
«Operatsııa sátti ótti, ıne alynyp tastaldy», - dedi ol. Óz kezeginde áıel dárigerlerge kásibıligi úshin alǵysyn bildirdi.
