Almatyda 45 stýdentke «Kásipqor» shákirtaqysy tabystaldy
ALMATY. Qazannyń 7-si. QazAqparat /Erbol Turymbetov/ - Búgin Almaty qurylys jáne menedjment kolledjinde 45 stýdentke Qazaqstannyń bolashaq joǵary bilikti mamandary úshin Prezıdenttiń birtutas komandasynyń «Kásipqor» shákirtaqysyn tabystaý saltanatty ótti.
Saltanatty shara QR-nyń tehnıkalyq jáne kásiptik bilimdi damytý strategııasy aıasynda respýblıkamyzdyń barlyq tehnıkalyq jáne kásiptik bilim mekemelerinde ótkizilip jatqan respýblıkalyq aktsııanyń qorytyndysy bolyp tabylady. Aktsııany Almaty qalasy kolledjderi qaýymdastyǵy ótkizýde. Sharanyń maqsaty aýyldan kelgen, áleýmettik jaǵynan az qamtylǵan, jetim jáne múgedek stýdentterdiń sol oqý oryndarynyń esebinen tehnıkalyq jáne kásiptik bilim alýyna baǵyttalǵan.
«Bul qaıyrymdylyq sharasy jazda bastalǵan edi. Respýblıkamyzdyń barlyq aımaqtaryndaǵy kolledjderge atalmysh shara týraly habar jibergenimizde barlyǵy da qoldaıtyndyqtaryn jetkizdi. Bul aktsııa boıynsha, ár bilim mekemesi 2-3 stýdentti óz qarjysy esepterinen oqytatyn bolady», dedi Almaty qalasy kolledjderi qaýymdastyǵy tóraǵasynyń orynbasary Valerıı Storojenko.
Búgingi shara barysynda birqatar almatylyq kolledjderde tegin bilim alýǵa múmkindik beretin shákirtaqy 45 stýdentke tapsyryldy. V. Storojenkonyń aıtýynsha, shara áli de jalǵasa beretin bolady.
