Almatyda 45 myń adam jumys izdep júr

ALMATY. QazAqparat - Almatyda ekonomıkalyq turǵydan belsendi 860 myń adam bar eken, olardyń ishinde 44-45 myń adam eki qolǵa bir kúrek izdep júr.

Bul týraly qalalyq Jumyspen qamtý jáne áleýmettik baǵdarlamalar basqarmasynyń basshysy Erbol Áliqulov habarlady.

«Jyl basynan beri 823 adam jumyspen qamtyldy. Ótken jylmen salystyrǵanda jumyssyzdardyń sany ózgerissiz qalýda. Búgin osy adamdardy qyzmetpen qamtý úshin bos oryndar jármeńkesin uıymdastyryp otyrmyz»,- dedi E.Áliqulov.

Almaly aýdany ákimshiliginiń uıymdastyrýymen ótken sharaǵa saýda, qurylys, qarjylyq qyzmet kórsetý salasyndaǵy 80-nen astam kásiporyn qatysty.

Kelýshilerdiń nazaryna 500-ge tarta bos oryn usynyldy.

Atalǵan shara «Jumyspen qamtýdyń jol kartasy - 2020» baǵdarlamasy aıasynda júzege asyrylyp otyr.