Almatyda 441 myńnan astam adam 42 500 teńge kóleminde memlekettik áleýmettik kómek aldy

ALMATY. QazAqparat – Tótenshe jaǵdaıdyń jarııalanýyna baılanysty tabysynan aıyrylǵan 441 myńnan astam almatylyq 42 500 teńge kóleminde memlekettik áleýmettik kómek aldy, dep habarlaıdy QazAqparat tilshisi.

Qala ákimdigi taratqan aqparatqa sáıkes, jalpy 18,8 mlrd teńge 441 736 adamǵa berilgen. Birinshi aıda - 371 933 adam, ekinshi aıda 69 803 adam aldy. Sonymen qatar, 15 myńnan astam turǵyn alǵan qarjyny qaıtaryp bergen.

Ótinimderdi qaıta qaraý jumystary áli de jalǵasýda. Túrli sebeptermen áleýmettik tólem ala almaǵan turǵyndar úshin ótinishterdi qaraý tártibi bekitildi. O l úshin azamattar shtabqa kiristerin joǵaltqanyn rastaıtyn qujattardy ótkizý qajet. Ótinishti qalalyq Áleýmettik ál-aýqat basqarmasy qabyldaıdy.