Almatyda 44 jastaǵy er adamdy kólik qaǵyp mert qyldy
ALMATY. QazAqparat - Almatyda 44 jastaǵy er adam kólik astyna túsip mert boldy, dep habarlaıdy QazAqparat tilshisi.
Mercedes-Benz kóligi Tóle bı kóshesimen batysqa kele jatqanda Tilendıvepen qıylysta aldynan kenetten bir adam júgirip shyqqan.
Oqıǵa kýágerleriniń aıtýynsha, er adam mas bolǵan.
Tejegishti basyp úlgermegen júrgizýshi ony qaǵyp ketti. Soqqydan alysqa ushyp ketken adam sol jerde jedel járdem kelgenshe kóz jumǵan.
«Qazir atalǵan derekke baılanysty QR QK 345-baby 3-bólimimen qylmystyq is qozǵaldy. Іs boıynsha qajetti saraptamalar taǵaıyndalady», - dedi Departamenttiń resmı ókili Saltanat Ázirbek.
