Almatyda №44 baǵyttaǵy avtobýs qaıta júre bastaıdy
ALMATY. QazAqparat - Almatyda 1 tamyzdan bastap №44 baǵyttaǵy avtobýs qaıta júre bastaıdy, dep habarlaıdy QazAqparat tilshisi. Qala bıligi atalǵan qoǵamdyq kólik baǵdary Naýryzbaı aýdanynyń turǵyndary úshin kerek dep tapty.
Qalalyq ákimdiktiń baspasóz qyzmeti taratqan aqparatqa sensek, kezinde jolaýshylar leginiń azdyǵynan № 44 baǵyttaǵy avtobýs qozǵalysyn toqtatqan bolatyn.
«Alaıda Naýryzbaı aýdanynyń turǵyndary úshin bul baǵyt óte qajet. Osyǵan oraı, Almaty qalasynyń Jolaýshylar kóligi jáne avtomobıl joldary basqarmasy bul baǵyttaǵy kólik qozǵalysyn qaıta ashý týraly sheshim shyǵardy. Atalǵan marshrýt avtobýstary aýdan turǵyndaryn aýdandyq ákimdik, sot, prokýratýra, HQKO, basqa da memlekettik mekemeler ornalasqan Naýryzbaı aýdanynyń ákimshilik ortalyǵynan Ortalyq stadıonǵa deıin jetkizetin bolady», - delingen habarlamada.
Jańa baǵyt boıynsha LIAZ markaly jańa avtobýstar júretin bolady.
Mundaı qoǵamdyq kólikter kondıtsıonermen jabdyqtalǵan.
