Almatyda 42 jastaǵy áıeldi óltirgen kúdiktiniń kim ekeni anyqtaldy

ALMATY. QazAqparat – Almatyda 42 jastaǵy áıeldi óltirgen kúdikti anyqtaldy dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.

Baspasóz qyzmeti taratqan málimetterge qaraǵanda, qylmys 8 qazan kúni saǵat 23.00 shamasynda qalanyń Almaly aýdanynda jasalǵan.

1980 jyly týǵan A. esimdi áıel kóptegen pyshaq jaraqatymen qaladaǵy jaqyn jerdegi aýrýhanaǵa jetkizildi. Alaıda ol 12 qazanǵa qaraǵan túni medıtsınalyq mekemede qaıtys boldy.

Atalǵan derek QR QK-niń 99-baby boıynsha sotqa deıingi tergeýdiń biryńǵaı tizilimine tirkeldi.