Almatyda 413 sheteldik kólikke zańsyz qujat rásimdegen 9 maman jaýapqa tartyldy

ASTANA. QazAqparat – Bıyl Almatyǵa shetelden ákelingen 413 kóliktiń sertıfıkattaý qujaty zańsyz rásimdelgen. Bul týraly Saýda jáne ıntegratsııa mınıstrligi Tehnıkalyq retteý jáne metrologııa komıtetiniń baspasóz qyzmetinen málimdedi, dep habarlaıdy QazAqparat tilshisi.

«Bıylǵy jyly Qazaqstanǵa ımporttalǵan avtokólikterge zańsyz resimdelgen 413 qujattyń kúshi joıyldy. Bes mekemeniń 9 mamany jaýapkershilikke tartyldy. Anyqtalǵan zań buzýshylyqtar joıylǵanǵa deıin Іshki ister mınıstrligi atalǵan kólikterdiń júrýine shekteý qoıdy», - delingen komıtettiń habarlamasynda.

Eske salaıyq, buǵan deıin Tehnıkalyq retteý jáne metrologııa komıtetiniń tóraǵasy Qýanysh Elikbaev bıylǵy 10 aıda kólik qaýipsizdigi qujattaryn zańsyz bergender jaýapqa tartylǵanyn málimdegen edi. Onyń aıtýynsha, osy aralyqta 1 326 memlekettik tekserý jasalǵan. Sonyń 65 paıyzynda talapqa sáıkes kelmeıtin faktiler anyqtalǵan. Sáıkesinshe, olarǵa jalpy somasy 140,6 mln teńge ákimshilik aıyppul salynǵan.