Almatyda 411 qoǵamdyq nysan lańkestik shabýyldan qorǵaý júıesimen qamtylmaǵan
ALMATY. QazAqparat - Almatyda bıznes qaýymdastyq ókilderi lańkestikke qarsy kúres máselelerin talqylady.
Jıynǵa UQK departamenti men qaladaǵy kásipkerlik sýbektileriniń ókilderi qatysty.
Belgili bolǵandaı, qalada 411 bıznes-nysan lańkestik shabýylǵa toıtarys berýge tolyq qaýqarly emes. Olardyń ishinde saýda oryndary, oıyn-saýyq ortalyqtary, qonaq úı, meıramhanalar, ónerkásiptik kásiporyndar bar.
Bıznestiń lańkestikten qorǵanýǵa jumsalatyn shyǵyndary 2020 jyly ótken búkilálemdik ekonomıkalyq forýmnyń jahandyq ındeksine kiretinin atap ótý kerek.
Atalǵan kórsetkish boıynsha Qazaqstan 62-orynda tur. 2017 jyly 58-orynǵa jetýdi josparlap otyr.
Osy ýaqytqa deıin atalǵan ShOB ıelerine qaýipsizdik sharalaryn qataıtyp, kúzet quraldaryn, dabyldy kúzet, beınebaqylaý júıesin nyǵaıtý tapsyryldy.
Sondaı-aq, memlekettik organdarǵa ShOB sýbektilerine antıterrorıstik sharalardy túsindirý jumystaryn kúsheıtý júkteldi.
