Almatyda 40 myńnan astam kásipker jumystaryn bastaýǵa ótinish berdi

ALMATY. QazAqparat – Megopolıste 40 myńnan astam kásipker jumysty bastaý úshin www.infokazakhstan.kz saıtyna ótinish berdi, dep habarlaıdy QazAqparat tilshisi «Atamekenniń» baspasóz qyzmetine silteme jasap.

26 tamyzdaǵy jaǵdaı boıynsha Almaty qalasynda jumysyn qaıta jandandyrýǵa 43 849 ótinish berildi.

«Olardyń ishinde keńse qyzmeti - 8403, óndiristik kásiporyndar - 1184, bıznes ortalyqty jalǵa alýshylar – 3368, bazarda oryn jaldaýshylar – 3785, saýda oıyn-saýyq ortalyqtary –6087», - dep atap ótti Almatydaǵy «Atameken» ulttyq kásipkerler palatasynyń baspasóz qyzmeti.

Eske salaıyq, QR Bas sanıtarlyq dárigerdiń 2020 jylǵy 14 tamyzdaǵy №47 qaýlysyna sáıkes jumysty bastaýǵa ruqsat alý úshin kásipkerlik sýbektilerdiń barlyǵyna elektrondy tsıfrlyq qoltańba arqyly www.infokazakhstan.kz saıtynan tirkeýden ótý qajet.